உலகிலேயே நீளமென்று
ஓயாமல் உன்னை புகழ்கின்றோம்
எங்கள் உயிரை யெல்லாம் எடுப்பதற்கா
இந்த விஸ்வரூபம் நீ எடுத்தாய்
எதிர் வரும் காதலியை நீ
முத்தமிட முயற்ச்சிக்கும் பொழுதெல்லாம்
எங்களில் எத்தனைபேருக்கு மரணம்
இது முறைதானா
தண்டவாளத்தில் ஓடி அலுதததினால்
இப்பொழுதெல்லாம் நீ
அடிக்கடி தரை இறங்கிப் போகிறாயா
காலத்தை அறிவிக்கும்
விடியற்காலை சேவல்களாய்
கூவியதுபோக இன்று நீ
மரண ஓலமாக மாறியது ஏன்
டிக்கெட் இல்லையென்றால்
டி டி ஆரிடம் மாட்டிகொள்வோம்
நீ மட்டும்
பக்கத்து ஊருக்கு டிக்கட் எடுத்த எங்களை
பரலோகத்திற்கு அனுப்பலாமா
எந்திர லோகத்தில்
இறப்புகளை செய்வதற்கு
எருமைகடா போதாதென்று
எமனக்கு வாகனமாய்நீ ஆனாயோ
விடுதலைக்கு முன்பு உன்னைப்பற்றி
காந்தி கண்ட கனவையெல்லாம்
கரியாக்கி புகையாக்கி
காற்றோடு கலந்துவிட்டாய்
இது நியாயம்தானா
கருத்துகள் இல்லை:
கருத்துரையிடுக